بسم الله الرحمن الرحيم
السلام عليكم ورحمة الله وبرككاااااااااااااااااته
اخباركم حبيباتي ؟؟
عسااااكم تمام
:face: :face: :face: :face: :face:
أ
خترت لكم موضوع هو حزين بس اتمنى ينال أعجابكم
شاب متهور تعرض إلى حادث وكان مع أمه فتوفيت وبقي هو علي قيد الحياه وكتب القصيده هذي:
يواسيني وانا الميت وحالي يجبـر الدمعـات
تسيل من الذي فيني ويبكـي وهـو يواسينـي
وانا ابكي واتنهد وارسـم بالحـزن لوحـات
يجبروني عشان امشي ورجلي مـا تمشينـي
قتلت رعايتي بيدي قتلت الحـب والرحمـات
حرمت النفس من حقها وانا ابكيهـا وتبكينـي
وكنه حلم قدامـي يقيدنـي مـن الصرخـات
ابي اصحى ولكني عجزت القى ال يصحينـي
فداك القلب يايمه ومهما قلـت مـن كلمـات
صغيره في كبر حقك بس اتمنـى تعذرينـي
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فينـي
تجول عيونهم فيني تفصـل منـي قياسـات
وتشيح وجوههم عني وكنـي غيـرت دينـي
يظنوا حزنهم اكبر وهم اصحـاب هالمأسـاة
وانا اتحدى اذا فيهم ربع مـا يحتـرق فينـي
نقص قدري بعد موتك وغابت نشوة اللـذات
وصـار الهـم عكـازي اباكيـه ويباكينـي
عطيتيني بدون حساب ولا سمعتك تقولي هات
وانا اشرب حيل من دمك ودمك مـا يكفينـي
يايمه ارجعي كافي ابجلس معك لـو لحظـات
واقبل ايدك ورجلك وافرش لك رمش عينـي
يايمه ما تحملهم يقولوا فـات مـا قـد مـات
تعالي غيري هالقول واطيعك باقـي سنينـي
واترك عادة التدخين وانفذ ما تبـي بسكـات
واصلي الفجر في المسجد قبل منتي تصحينـي
يايمه ارجعي تكفين وطفـي شمعـة الآهـات
ابيك انتي ولا غيرك علـى موتـك تعزينـي
وضميني وداويني مثل مـا كانـت الهقـوات
ما ابي احدن يواسيني ابيـك انتـي تواسينـي
دخيلك بس لا تبكي اذا شفتي بـي الدمعـات
انـا مقـوى ابكيـك اذا انـتـي تبكيـنـي
أسال الله أن يغفر لها ولجميع موتى المسلمين وهنياً لمن كانت امه على قيد الحياة ليخدمها ويفديها بروحه وأقول لصاحب هذه القصيدة ألان إنتهى الأمر وبقي عليك الدعاء لها في كل وقت وكل صلاة ولا تنساها من الصدقات فهذا هو برها بعد وفاتها منك ... ومن هنا أنادي كل عاق لوالديه أن يراجع نفسه ويعود لهم ويبرهم فطاعة الوالدين مقرونة بطاعة الله ...... وفقني الله واياكم لما يحب ويرضى ولا تنسوني من خالص الدعاء...
اليومية
الجمعة أبريل 05, 2013 10:11 pm من طرف طيف الزهراني
قصيده شاب فقد امه مؤؤؤلمه